أسئلة شائعة عن سرد
كل ما تحتاج تعرفه قبل الطلب: وش يشمل المنشور، متى تستلم، التعديلات، صور الاستوديو، والاسترداد.
وش هي سرد؟
سرد منصة سعودية تجهّز لمشروعك منشورات سوشال ميديا عربية جاهزة للنشر. تعرّفنا على نشاطك، ونرتّب لك خطة منشوراتك وتعتمدها، ثم نكتب كل منشور ونصممه.
كم الأسعار؟
ثلاث باقات، كل باقة بدفعة واحدة:
- البداية: 7 منشورات بـ249 ريالًا.
- النمو: 15 منشورًا بـ449 ريالًا.
- الشهر: 30 منشورًا بـ749 ريالًا.
هل فيه اشتراك شهري؟
لا. تدفع مرة واحدة للباقة اللي تختارها، بلا تجديد تلقائي. وإذا بغيت شهرًا ثانيًا، تطلب من جديد.
وش يشمل كل منشور؟
كل منشور يوصلك كاملًا:
- خطّاف يوقف المتابع.
- نص المنشور.
- هاشتاقات.
- دعوة للتواصل.
- تصميم بأسلوب الإعلانات بألوان علامتك.
متى أستلم المنشورات؟
بعد ما تعتمد الخطة نعرض عليك عينتين لشكل منشوراتك، وتكون منشوراتك جاهزة خلال 24 ساعة من اعتماد الشكل.
هل أشوف الخطة قبل الكتابة؟
نعم. نجهّز لك الخطة كاملة، وتقدر تطلب تعديلها، وما نبدأ الكتابة إلا بعد ما تعتمدها.
كم تعديل يحق لي؟
جولات التعديل بعد التسليم حسب الباقة:
- البداية: جولة تعديل واحدة.
- النمو: جولتا تعديل.
- الشهر: جولتا تعديل.
- وتقدر تعدّل نص أي منشور بنفسك من مكتبتك.
هل تجهّزون صورًا لمنشوراتي؟
كل منشور يوصلك بتصميم جاهز. ولو تبغى صورة مشهد لمنشور معيّن، تطلبها من استوديو الصور بعد التسليم:
- بدون مرجع، أو بأسلوب من مكتبة سرد، أو برفع صورة مرجع نأخذ منها الأسلوب والألوان فقط.
- الرصيد: البداية 3 صور، والنمو 7 صور، والشهر 15 صورة.
- لكل صورة تعديلان مجانيان لا يُحسبان من جولات تعديل الباقة، وإذا تعذّرت صورة ما تُحسب عليك.
- الاستوديو يجهّز مشاهد جديدة، وما يعدّل صور منتجاتك الحقيقية.
كيف أنشر المنشورات؟
تنزّل منشوراتك جاهزة بمقاسات منشور إنستغرام، والستوري والريلز وتيك توك، والمربع، ولينكدإن وإكس، وتنشرها بنفسك في الوقت اللي يناسبك.
وش سياسة الاسترداد؟
حسب مرحلة طلبك:
- قبل ما تعتمد الخطة: تسترد المبلغ كاملًا بدون ما تذكر سبب.
- بعد ما تعتمدها: تسترد نصف المبلغ، إلا إذا نزّلت أو نسخت أي محتوى من مكتبتك؛ وقتها يسقط حق الاسترداد.
- تطلب الاسترداد من الدعم مع رقم العملية.
هل سرد وكالة؟
لا. سرد منصة تعطيك خطة ومنشورات جاهزة بسعر واضح وبدون عقد. ما نقدّم خدمات الوكالات مثل التصوير في موقعك وإدارة الحساب والرد على المتابعين.